Sigurður Arnar var svekktur með úrslit dagsins
„Nei, ég ætlaði ekki að gera það. Ég ætlaði náttúrulega fyrst og fremst að vinna leikinn,“ sagði vonsvikinn Sigurður Arnar þegar hann var spurður út í sjálfsmark sem hann skoraði í leik ÍBV og Fylkis í dag sem endaði með 0-3 sigri gestanna.
Lestu um leikinn: ÍBV 0 - 3 Fylkir
„Ég hefði nú kannski getað skorað eitt þarna, fékk dauðafæri til þess en Ari komst í hann. Þetta var bara ekki nógu gott í dag.“ ÍBV spilaði á löngum köflum vel í fyrri hálfleik en náði ekki að skora og fékk svo á sig þrjú mörk. „Við náðum bara ekki að nýta góðu kaflana nógu vel fannst mér. Svo aftur á móti erum við að „söffera“ svo rosalega í þessum vondu köflum. Þeir eiga einhver fimm skot og skora á okkur þrjú mörk og þetta er alveg frekar pirrandi.“
Það leyndi sér ekki að Sigurður Arnar var gríðarlega svekktur með tapið. „Fyrir mér þá á ekkert annað lið að fagna hérna á Hásteinsvelli. Alveg saman hvort það er Fylkir, Valur, Sarpsborg, United, mér er skítsama. Við eigum að vinna alla leiki hérna!“
Viðtalið í heild má finna í spilaranum.
Athugasemdir
