Sverrir Ingi gæti verið klár í næsta landsleikjaglugga
Íslenski landsliðsmiðvörðurinn Sverrir Ingi Ingason sneri aftur á völlinn í 2-0 sigri Midtjylland á Næstved í danska bikarnum í kvöld.
Blikinn hefur verið að glíma við erfið meiðsli í byrjun leiktíðar og missti meðal annars af síðasta landsliðsverkefni.
Hann var í byrjunarliði Midtjylland í kvöld og spilaði fyrri hálfleikinn áður en honum var skipt af velli.
Jákvæðar fréttir fyrir októbermánuð og vonandi að hann verði klár í næsta landsleikjaglugga.
Hinn ungi og efnilegi Daníel Freyr Kristjánsson var á bekknum hjá Midtjylland en kom ekki við sögu.
Guðmundur Þórarinsson var í byrjunarliði OFI Crete sem gerði 1-1 jafntefli við Panetolikos í grísku úrvalsdeildinni. Selfyssingurinn fór af velli á 70. mínútu. Crete er í 4. sæti með 9 stig.
Ögmundur Kristinsson sat þá á bekknum hjá Kifisias sem gerði 1-1 jafntefli við Lamia. Kifisias, sem er nýliði í deildinni, er með 5 stig í 11. sæti.
Athugasemdir
