27.11.22 - 16:10
Aksentije Milisic
Kanada strax komið yfir - Davies með fyrsta markið í sögu liðsins á HM
Mynd: Getty Images
Mynd: Getty Images
Króatía og Kanada eru að mætast í gífurlega mikilvægum leik í E-riðli á HM í Katar og er það Kanada sem er strax komið í forystu.
Alphonso Davies stangaði þá boltann inn eftir flotta fyrirgjöf frá Buchanan. Davies klúðraði vítaspyrnu í fyrsta leik Kanada gegn Belgíu en þarna brást honum ekki bogalistinn.
Markið hjá Davies er það fyrsta í sögu Kanada á Heimsmeistaramóti en liðið heillaði marga með spilamennsku sinni í fyrsta leiknum gegn Belgíu.
Það tók Kanada einungis rétt rúma mínútu að komast yfir og verður áhugavert að sjá hvernig Króatarnir svara þessu.
Markið hjá Davies má sjá hérna.
A historic moment for @CanadaSoccerEN 🇨🇦#FIFAWorldCup | #Qatar2022 pic.twitter.com/nLov8lICHG
— FIFA World Cup (@FIFAWorldCup) November 27, 2022
