Nú eru tæpar tvær vikur í fyrstu umferð Bestu deildarinnar en það var kynningarfundur í dag.
Fótbolti.net náði spjalli af nokkrum þjálfurum deildarinnar og þar á meðal var það Sigurður Ragnar Eyjólfsson þjálfari Keflavíkur. Hann ræddi meðal annars um leikmann sem hann vonast til að næla í fljótlega.
„Það er leikmaður sem ég held að muni styrkja okkur en hann er ekki í topp leikæfingu, búinn að vera lengi frá. Við erum að vinna í að skrifa undir við hann og vonandi klárast það fljótt. Hann mun styrkja okkur fullt," sagði Sigurður Ragnar.
Um er að ræða Úkraínumanninn Oleksiy Kovtun sem er 28 ára gamall miðvörður sem lék síðast með Desna Chernihiv í efstu deild í heimalandinu.
Hann yfirgaf hins vegar félagið í janúar en þar lék hann aðeins fjóra leiki.