Noregur náði aðeins í stig til Georgíu
Alexander Sörloth
Mynd: Getty Images
Alexander Sörloth
Mynd: Getty Images
Georgía 1 - 1 Noregur
0-1 Alexander Sorloth ('15 )
1-1 Georges Mikautadze ('61 )
Georgía fékk Noreg í heimsókn í fyrsta leik dagsins í undankeppni EM 2024 en liðin leika í A-riðli.
Noregur tapaði fyrsta leiknum illa gegn Spáni en Georgía var að spila sinn fyrsta leik í undankeppninni í kvöld. Noregur var með gott tak á leiknum í fyrri hálfleik en Alexander Sörloth skoraði eina mark hálfleiksins þegar stundarfjórðungur var liðinn af leiknum.
Georgíumenn komust betur inn í leikinn í þeim síðari og jafnaði metin eftir um klukkutíma leik.
Þegar skammt var til leiksloka vildu Norðmenn fá víti þegar Fredrik Aursnes var tekinn niður í teignum en ekkert var dæmt. Ola Solbakken var ekki sáttur og lét dómarann heyra það en fékk að launum gult spjald.
