Chelsea var einum færri allan seinni hálfleikinn eftir að Reece James fékk boltann í höndina á marklínunni seint í fyrri hálfleik. Það var dæmt víti og rauða spjaldið fór á loft.

Hægt er að skoða myndband af atvikinu hérna.

„Þú verður að sætta þig við ákvörðunina. Kannski hefði hann breytt um skoðun ef hann hefði séð myndband ekki bara mynd," sagði Tuchel sem var stoltur af sínu liði.

„Mér finnst ekki gaman að því þegar rauð spjöld fara snemma á loft því það eyðileggur leikinn. Á endanum var þetta erfiður bardagi. Við sýndum mikla þrautseigju og áttum skilið að fá stig."

„Á síðustu fimm mínútunum var ég farinn að fara með bænir um að við myndum taka það sem áttum skilið. Við vorum mjög sterkir varnarlega í seinni hálfleik."