Fótbolti.net

Erfitt að finna betri stað til að búa á en skoðar sína möguleika

Glódís afhjúpar hver stal senunni í nýliðavígslunni

Steini: Hennar að sýna að hún sé klár í að leysa þetta

„Ótrúlegt en satt að þetta nákvæmlega hafi komið upp"

Óvissa eftir geggjaðan tíma - „Tíu skref á milli okkar“

Draumurinn frá fimm ára aldri

„Alltaf mikill heiður að sjá nafnið mitt á þessu skjali"

Steig inn þegar markvörðurinn fór til Liverpool - „Lífið er geðveikt"

Karólína nýtur sín í æðislegri borg - „Smá Ítalí í mér"

18 ára að festa sig í sessi - „Þarf að drífa mig upp á herbergi að plana atriði"

Orðsporið farið stækkandi í Svíþjóð - „Þetta er annað heimili mitt"

Átti að vera árið hans Sölva - „Víkingur væri að berjast í efri hlutanum í Superligunni"

Ætlar að berjast við Árna um stöðuna - „Þurfti aðeins að klípa mig“

Venni: Fótboltinn breytist ekkert þó ég kaupi einhverja menn eða við spilum með ákveðnum hætti

Ray: Ég held að það sé bara bjart framundan hjá okkur

Kári Kristjáns: Mér líður bara ógeðslega vel hérna

Sjáðu rauða spjaldið á Brynjar Björn - „Síðasti séns að sjá þetta trix"

Sterkastur í 9. umferð - „Þetta var upp á líf og dauða fyrir okkur“

Maggi er ósáttur með mark Fylkis: Boltinn var aldrei inni

Heimir: Þurfum að setjast niður og læra af þessu

mán 29. mars 2021 20:00

Sæbjörn Þór Þórbergsson Steinke
Györ, Ungverjaland

„Ekki fyrsta liðið í Íslandssögunni með einhver skyldmenni innan liðsins"

Davíð og aðstoðarmennirnir tveir

Mynd: Fótbolti.net - Sæbjörn Þór Þórbergsson Steinke

„Fótbolti er þannig að það er allt geranlegt ,við förum inn í leikinn með sigur hugarfar og gerum okkar allra besta í þessum leik," sagði Davíð Snorri Jónasson, þjálfari U21 landsliðsins, í viðtali við Fótbolta.net í kvöld.

Tveir dagar eru í lokaleik íslenska liðsins í riðlinum og þarf Ísland að vinna leikinn og treysta á sigur Dana gegn Rússum til að eiga möguleika á sæti í 8-liða úrslitum.

Í morgun voru þeir Ísak Bergmann Jóhannesson, Jón Dagur Þorsteinsson, Sveinn Aron Guðjohnsen og Willum Þór Willumsson kallaðir upp í A-landsliðið. Ertu ánægður fyrir þeirra hönd?

„Innilega. Markmiðið er að koma leikmönnum áfram í A-landsliðið, hjálpa þeim að taka síðasta skrefið. Það að leikmenn fái kallið upp í A-landsliðið eru bara frábærar fréttir."

„Auðvitað er alltaf eftirsjá í góðum leikmönnum en við erum með góða leikmenn á staðnum ennþá, við vissum að þetta gæti komið upp og ég óska strákunum alls hins besta."

Finnst þér þetta vera fjórir bestu leikmenn liðsins?

„Ég ætla ekki að vera kommenta á það, þetta eru leikmenn sem eru búnir að spila mikið og eru búnir að standa sig hrikalega vel, eins og margir aðrir."

Veistu þú af hverju Mikael Neville Anderson er ekki einn af þessum fjórum?

„Arnar [Þór Viðarsson] velur liðið og stundum er maður valinn og stundum ekki. Ég held að svarið sé ekki flóknara en það."

Fréttaritari hefur orðið var við umræðu um náin tengsl milli leikmanna og þjálfara, að það sé óheppilegt. Jörundur Áki Sveinsson er stjúpfaðir Róberts Orra Þorkelssonar og Þórður Þórðarson er faðir Stefáns Teit. Doddi og Jöri eru aðstoðarmenn Davíðs. Finnst honum þessi staða óheppileg?

„Ég held að við séum ekki fyrsta liðið í Íslandssögunni sem er með einhver skyldmenni innan liðsins, þannig nei, það er ekkert óheppilegt."

Þeir eru alveg nógu góðir til að vera í þessum hóp?

„Þeir voru í þessum hóp fyrir og þeir eiga svo sannarlega skilið að vera hérna," sagði Davíð.