Cristiano Ronaldo, stórstjarna portúgalska landsliðsins, taldi sig hafa skorað í gær þegar Portúgal vann 2-0 sigur gegn Úrúgvæ í riðlakeppni HM.
Markið var hins vegar ekki skráð á hann. Ronaldo reyndi að skalla boltann í netið og boltinn virtist strjúka á honum hárið en það var ekki nóg fyrir FIFA.
Markið er skráð á Bruno Fernandes sem átti fyrirgjöfina. Boltinn breytti ekki um stefnu.
Athletic fjallar um málið og segist fréttamaður miðilsins hafa farið yfir myndbandið mjög oft. Hann er á þeirri skoðun að Ronaldo hafi ekki skorað markið, hann eigi ekki að fá markið skráð á sig. Þó svo að Piers Morgan segi annað.
Samkvæmt frétt El Chiringuito þá er portúgalska sambandið með Ronaldo í þessu máli. Sambandið ætlar að fara með málið til FIFA svo Roanldo, sem er 37 ára, fái markið skráð á sig. Það skiptir greinilega gríðarlega miklu máli fyrir Ronaldo að fá þetta mark skráð á sig, jafnvel meira en sigurinn sjálfur.
🚨🇵🇹 NEW:
— UtdPlug (@UtdPlug) November 29, 2022
The Portuguese Federation are going to present evidence to FIFA to prove that the first goal against Uruguay was Cristiano Ronaldo’s not Bruno Fernandes’. #MUFC @elchiringuitotv 🔴
Athugasemdir