„Stoltið það er sárt og það er ekki spurning og leiðinlegt að þegar við fáum á okkur eitt mark þá bjóðum við bara upp á mörk í kjölfarið og það er erfitt að horfa upp á það." sagði Ólafur Hrannar Kristjánsson þjálfari Leiknis Reykjavík en liðið fékk alvöru skell þegar Grindavík mætti í heimsókn í Breiðholtið.
Lestu um leikinn: Leiknir R. 2 - 6 Grindavík
„Þetta eru atvik og moment og atvik sem við bara klikkum á. Fáum á okkur mark úr hornspyrnu og fáum á okkur víti og við það fór loftið svolítið úr okkur en samt sem áður klárum við hálfleikinn, vorum miklu meira með boltann en fáum á okkur þrjú mörk og náum ekki að skapa okkur opin færi.."
Leiknir er búið að fá á sig tólf mörk í síðustu tveimur umferðum. Liðið tapaði 6-0 gegn Keflavík og svo núna í dag fékk liðið á sig sex gegn Grindavík.
„Ég held að það sé engin nokkur spurning að það sé mjög mikið áhyggjuefni að láta flengja sig tvo leiki í röð með þessum hætti."
Ólafur Hrannar Kristjánsson segist ekki hafa áhyggjur af starfi sínu íBreiðholti.
„Nei þannig séð ekki en ég veit alveg hvernig þessi heimur virkar og ég held að það viti það allir sem fylgjast með. Þetta er kannski ekki öruggasta starf í heimi, þegar ílla gengur að þá er erfitt að horfa framhjá því að þetta sé alltaf möguleiki en ef ég hefði ekki trú á því að við gætum snúið þessu við saman að þá væri ég ekki hérna."
