Fótbolti.net

3-0 yfir en samt hundleiðinlegur hálfleikur - „Sóknarleikurinn er ekkert frábær"

Halli: Þýðir ekki að leggjast niður og grenja

Hemmi: Það langaði öllum í þennan sigur

Ekki áhyggjufullur þrátt fyrir níu leiki í röð án sigurs

Jói B: Mér er nákvæmlega sama hvað þér finnst um það

„Leið aðeins betur þegar ég sé besta leikmann heims klúðra eins færi"

„Ef ég hefði ekki trú á því að við gætum snúið þessu við saman þá væri ég ekki hérna"

Gunnar Már hefur miklar áhyggjur en gagnrýnir ÍR - „Spila drepleiðinlegan fótbolta"

Glódís: Maður segir þetta oft eftir leiki og oft er það algjört rugl

Pirraði stærstu stjörnu Norðmanna - „Hún bauð svolítið upp á þetta"

Siggi Höskulds: Vorum ægilegir á breikinu

Árni Guðna: Ömurleg frammistaða

Gargað á Cecilíu í miðju viðtali - „Mér heyrist þetta vera Íslendingar"

Sveindís: Finnst eiginlega bara heimskulegt að ég hafi gert þetta

Alex Þór: „Steven Caulker? - Þetta hefur skautað framhjá manni"

Stjarnan aðeins 26% með boltann - „Að einhverju leyti óborguð yfirvinna"

„Sorglegt að fá á sig fjögur mörk gegn Stjörnuliði sem spilaði ekki betur en raun bar vitni"

Túfa: Að mínu mati besti leikmaður deildarinnar

Sverrir Páll: Við getum stigið upp og skorað mörkin

Láki fann fyrir létti: Vicente breytti leiknum

fös 30. maí 2025 20:59

Guðmundur Aðalsteinn Ásgeirsson
Þrándheimi

Gargað á Cecilíu í miðju viðtali - „Mér heyrist þetta vera Íslendingar"

Cecilía Rán Rúnarsdóttir.

Mynd: Fótbolti.net - Hafliði Breiðfjörð

„Það er ótrúlega svekkjandi að fá bara eitt stig úr þessu. Mér fannst við eiga skilið þrjú stig," sagði Cecilía Rán Rúnarsdóttir, markvörður Íslands, eftir 1-1 jafntefli gegn Noregi í Þjóðadeildinni í kvöld.

„Mér fannst við ótrúlega flottar í þessum leik, unnum návígin og vörðumst ótrúlega vel. Við þorðum að spila í gegnum miðju. Í seinni hálfleik hættum við því svolítið en það er eðlilegt þegar við erum 1-0 yfir og ætlum að klára leikinn. Það er svekkjandi að við náðum því ekki."

Lestu um leikinn: Noregur 1 - 1 Ísland

Cecilía átti virkilega góðan leik í marki Íslands, mögulega hennar besti landsleikur.

„Já, ég var nokkuð sátt með frammistöðuna. Mér fannst ég spila vel en það er alltaf leiðinlegt að fá á sig mark."

Í viðtalinu var gargað á Cecilíu út um hurðina fyrir utan leikvanginn. Þar voru mættir íslenskir aðdáendur sem vildu fá treyjuna hennar. „I love you," má heyra öskrað í viðtalinu.

„Mér heyrist þetta vera Íslendingar," sagði Cecilía og brosti.

„Ég var bara 100 prósent viss um að við myndum landa þessu. Við vorum að verjast vel og vorum að loka á þær. Þess vegna er ótrúlega svekkjandi að fá á sig þetta mark. Ég hafði trú á því að við myndum vinna þennan leik," sagði markvörðurinn öflugi sem hefur trú á því að sigurinn detti á þriðjudaginn gegn Frakklandi á heimavelli.

Allt viðtalið má sjá í spilaranum hér fyrir ofan.