„Við vorum lélegir, byrjuðum leikinn ekki fyrr en eftir 20 mínútur. Varnarlega vorum við katastrófa í byrjun, leggjum upp þeirra fyrsta mark og svo skora þeir beint eftir horn. Vítið er náttúrulega grín, en svona er þetta," sagði Gunnar Már Guðmundsson, þjálfari Fjölnis, eftir 0-3 tap gegn ÍR á heimavelli í kvöld.
„Það er gríðarlegt áhyggjuefni, ÍR-ingarnir voru mjög hátt með varnarlínuna og pressuðu okkur. Að við skulum ekki finna leið yfir það er áhyggjuefni. Við tengjum ekki saman sendingar, við þurfum að snúa þessu við, það er alveg ljóst."
„Það er gríðarlegt áhyggjuefni, ÍR-ingarnir voru mjög hátt með varnarlínuna og pressuðu okkur. Að við skulum ekki finna leið yfir það er áhyggjuefni. Við tengjum ekki saman sendingar, við þurfum að snúa þessu við, það er alveg ljóst."
Lestu um leikinn: Fjölnir 0 - 3 ÍR
Gunnar viðurkennir að það hafi komið sér á óvart að ÍR hefði mætt með pressu til leiks. „Við erum bara að gera þetta illa."
„Þeir spila handboltavörn út um allan völl og svo dæma þeir 'soft' víti og svo framvegis. Þetta var drepleiðinlegur leikur og ÍR spilar drepleiðinlegan fótbolta, ég ætla ekki að fara ofan á því, en þeir voru miklu betri í því sem skiptir máli; í að verja markið sitt og skora mörk."
„Það bara stóð ekki steinn yfir steini í okkar spilamennsku í dag."
Þjálfarinn var spurður út í dómgæsluna, hann nefndi hana fyrr í viðtalinu og var sýnilega ósáttur með hana á hliðarlínunni. „Alveg klárt að ég var ósáttur, það mátti hrinda, spila handboltavörn út um alla vörn og svo 'soft' víti. Þegar maður ræðir þetta við dómarana í hálfleik þá fær maður þau svör að þetta sé fótbolti. Það er í aðra áttina. Ég nenni ekki að kvarta yfir dómgæslunni í þessari deild."
Fjölnir er með tvö stig eftir fimm leiki. „Við erum að koma saman, Orri (Þórhalls) er nýkominn og okkur mun vaxa ásmeginn þegar líður á sumarið. Eðlilega er frammistaðan upp og niður hjá ungri sóknarlínu."
Viðtalið við Gunnar Már má sjá í spilaranum efst.
Athugasemdir
