Þór vann Fylki í Lengjudeildinni í kvöld. Sigurður Heiðar Höskuldsson, þjálfari Þórs, var hrikalega ánægður með sitt lið. Liðið sótti virkilega vel á Fylki þegar liðið vann boltann.
„Ánægður með vinnuframlagið og varnarleikurinn var hrikalega öflugur. Svo vorum við ægilegir á breikinu, þetta var frábær frammistaða hjá mínu liði," sagði Siggi.
„Ánægður með vinnuframlagið og varnarleikurinn var hrikalega öflugur. Svo vorum við ægilegir á breikinu, þetta var frábær frammistaða hjá mínu liði," sagði Siggi.
Lestu um leikinn: Þór 4 - 1 Fylkir
Fylkir jafnaði metin snemma í seinni hálfleik en Þór svaraði strax í næstu sókn.
„Það var í fyrsta sinn sem þeir ná að drippla í gegnum miðsvæðið hjá okkur. Við svörum því frábærlega og það var mjög kærkomið," sagði Siggi.
Varamennirnir Ýmir Már Geirsson og Sverrir Páll Ingason komu að þriðja marki liðsins sem gerði út um leikinn.
„Það var hrikalega öflugt. Þeir sem komu inn á voru fókuseraðir, Sverrir gerir þetta frábærlega var mættur og klárar þetta," sagði Siggi.
Þórsarar vildu fá eitthvað fyrir sinn snúð þegar Orri Sveinn Segatta hékk í Sigfúsi Fannari Gunnarssyni þegar hann var að sleppa í gegn.
„Það var bara brot. Hangir í honum þegar hann er að sleppa í gegn, mjög furðulegt að dæma ekki á það en það skiptir engu," sagði Siggi.
Athugasemdir
