KR hefur lánað framherjann Björgvin Stefánsson í KV sem spilar í 3. deildinni.
Björgvin hefur ekkert verið með KR á þessu tímabili vegna meiðsla og Rúnar Kristinsson, þjálfari liðsins, sagði við Fótbolta.net eftir leikinn gegn ÍA á sunnudag að óvíst sé hvenær hann verður klár.
Hinn 25 ára gamli Björgvin hefur nú verið lánaður í KV en hann gæti spilað þar til að komast i leikform þegar hann verður klár á ný.
KR getur síðan kallað hann aftur til baka í félagaskipaglugganum í ágúst.
Björgvin er á sínu þriðja tímabili hjá KR en hann skoraði fjögur mörk í ellefu leikjum í Pepsi Max-deildinni í fyrra og fimm mörk í átján leikjum árið 2018.
Athugasemdir