Javie 'Chicharito' Hernandez skrifaði undir samning við LA Galaxy í MLS-deildinni í vetur. Hann kom fyrst fram á stóra sviðið árið 2010 þegar hann lék með Mexíkó á HM og var um það leyti keyptur til Manchester United.
Hann hefur einnig leikið með West Ham, Bayer Leverkusen og Real Madrid.
Hann hefur einnig leikið með West Ham, Bayer Leverkusen og Real Madrid.
Hernandez sagði frá muninum á því að spila hjá Real og að spila hjá Man Utd í viðtali um helgina.
„Umhverfið er öðruvísi," sagði Chicharito við Rio Ferdinand. „Það er rólegra á Englandi á meðan á Spáni og í Portúgal er 'latínó' menningin ríkjandi, allt er opnara."
„Hjá United leið mér eins og meiri virðing væri borin fyrir leikmönnum á meðan á Spáni var sýnd virðing en ef fólk vildi mynd var gripið í mann, svoleiðis hlutir. Maður yrði spurður á Englandi en á Spáni er fólk ákveðnara með svona hluti og láta þá gerast. Það er meiri pressa á manni sem leikmaður Real heldur en það var hjá United."
Athugasemdir