Það ættu flestir að kannast við markið hjá Neymar sem hann skoraði gegn Flamengo í 5-4 tapi gegn liðinu. Hann sólaði þá þrjá leikmenn Flamengo og lék á varnarmenn liðsins áður en hann skoraði framhjá markverðinum.

Wayne Rooney, leikmaður Manchester United fékk tilnefningu fyrir glæsimark sitt gegn Manchester City í viðureign liðanna á síðasta tímabili. Hann skoraði þá með hjólhest framhjá Joe Hart í markinu.

Þá var markið hjá Lionel Messi gegn Arsenal í Meistaradeildinni á síðasta tímabili einnig tilnefnt, en það kom eftir glæsilegt spil Barcelona.

Það voru upphaflega tíu tilnefningar en svo var skorið niður í þrjár, en á upprunalega listanum voru mörk tildæmis frá Zlatan Ibrahimovic og Giovani Dos Santos, sem skoraði frábært mark í Gullbikarnum gegn Bandaríkjunum.

Hér fyrir neðan má sjá markið hjá Neymar.