Newcastle og Totteham mættust í gær í öðrum leik ensku úrvalsdeildarinnar þetta tímabilið þar sem gestirnir höfðu betur, 1-2.
Jamaal Lascelles lék allan leikinn í vörn Newcastle í gær en hann segir að þrátt fyrir tap þá geti liðið tekið margt jákvætt úr leiknum.
„Við getum tekið margt jákvætt úr þessum leik, við lögðum mikið á okkur og gerðum þeim erfitt fyrir."
„Þegar maður lítur til baka og skoðar mörkin sem við fengum á okkur þá getur maður séð að við hefðum átt að gera betur í þeim tilvikum en ef maður skoðar það hvað við gerðum vel í dag (gær) þá er ekki annað hægt að segja en að við höfum spilað mjög vel og við sköpuðum okkur mörg færi. Nú þurfum við að halda áfram á þessari braut," sagði Lascelles.
Athugasemdir