Romelu Lukaku heldur uppteknum hætti í markaskorun og kom gestunum yfir eftir 35. mínútna leik.

Lukaku skoraði, eins og flestir vita, gegn okkur Íslendingum í 3-0 sigri Belga á Laugardalsvelli á dögunum.

Aðeins þremur mínútum síðar kom Chris Smalling boltanum í netið og tvöfaldaði forystu gestanna en markið var ekki af ódýrari gerðinni.

Andre Gray skoraði sitt fyrsta mark á Vicarage Road síðan í janúar þegar hann minnkaði muninn fyrir heimamenn.

Ekki var meira skorað fóru gestirnir með sigur af hólmi. Man Utd er nú með 9 stig eftir 5 leiki. Þetta var fyrsti tapleikur Watford á tímabilinu en liðið hafði unnið alla leiki sína fyrir þennan, síðast gegn Tottenham.