Football365 setti saman lista yfir leikmenn sem ensk úrvalsdeildarfélög fengu til sín í sumar og eru þegar orðnir lykilmenn. Ummælakerfið er opið fyrir mótmæli!
10) Martin Montoya (Brighton) - Brighton fékk til sín fjölmarga leikmenn fyrir tímabilið en það er aðeins Montoya sem kemst á þennan lista. Þessi spænski hægri bakvörður á stórhættulegar fyrirgjafir en hann á þrjá Spánarmeistaratitla með Barcelona á ferilskrá sinni.
9) Danny Ings (Southampton) - Hann er nánast eina von Southampton þegar kemur að markaskorun! Hann hefur skorað eins mörg mörk í deildinni á þessu tímabili og Harry Kane.
8) Federico Fernandez (Newcastle) - Vel gert hjá Newcastle að fá þennan argentínska miðvörð frá Swansea.
7) Felipe Anderson (West Ham) - Allt það jákvæða í sóknarleik West Ham fer í gegnum hann. Er fullkominn í skyndisóknarleikstíl Hamranna. Hraður og með frábæra boltameðferð.
6) Aleksandar Mitrovic (Fulham) - Hrikalefa öflugur sóknarmaður sem er erfiður viðureignar. Fulham keypti hann á 22 milljónir punda eftir vel heppnaða lánsdvöl á síðasta tímabili.
5) Joao Moutinho (Wolves) - Það er magnað að portúgalski Evrópumeistarinn sé hjá Wolves og hann gerir svo sannarlega aðra leikmenn í kringum sig enn betri.
4) James Maddison (Leicester City) - Sá leikmaður sem andstæðingarnir brjóta oftast á. Skiljanlega! Hæfileikaríkur leikmaður sem er pakkfullur af sjálfstrausti.
3) Richarlison (Everton) - Gerir lífið óþægilegt fyrir hægri bakverði deildarinnar og er þegar orðinn miki
2) Jorginho (Chelsea) - Smellpassar í leikstíl Sarri og það var í raun nauðsynlegt fyrir liðið að fá hann.
1) Alisson (Liverpool) - Loksins eru markvarðamál Liverpool komin í lag! Alisson er með 86,7% markvörslu. Fyrir utan brjálæðið gegn Leicester hefur hann verið magnaður.
Athugasemdir
