Sóknarmaðurinn Martell Taylor-Crossdale er búinn að hafna nýjasta samningstilboði Chelsea því hann vill spiltíma með aðalliðinu.
Taylor-Crossdale er 19 ára gamall sóknarmaður og mun yfirgefa félagið á frjálsri sölu í sumar.
Hann hefur verið orðaður við Southampton, Aston Villa, Fulham og Bristol City en nú virðist hann vera á leið til Hoffenheim.
Þýskir fjölmiðlar segja að Taylor-Crossdale muni gangast undir læknisskoðun hjá Hoffenheim eftir helgi og ganga til liðs við félagið þegar samningurinn rennur út í sumar.
Crossdale hefur verið hjá Chelsea í ellefu ár en aldrei fengið tækifæri með aðalliðinu. Hann skoraði yfir 20 mörk fyrir U18 lið Chelsea á síðasta tímabili líkt og Dominic Solanke, Tammy Abraham og Iké Ugbo gerðu á undan honum.
Athugasemdir