Tveimur fyrstu leikjum dagsins í enska boltanum er lokið en báðir enduðu með jafntefli. Freddie Ljungberg stýrði sínum fyrsta leik með Arsenal er lið hans heimsótti Norwich á Carrow Road.
Unai Emery var látinn taka poka sinn á dögunum og er Ljungberg bráðabirgðastjóri þangað til stjórn Arsenal finnur arftaka Emery.
Ljungberg fékk ekki beint draumabyrjun í leiknum því það var finnski framherjinn Teemu Pukki sem skoraði fyrsta markið á 18. mínútu leiksins.
Pukki lét þá vaða og fór boltinn af Shkodran Mustafi og í netið áður en Pierre-Emerick Aubameyang jafnaði með marki úr vítaspyrnu tíu mínútum síðar.
Cristoph Zimmerman handlék þá knöttinn innan teigs og vítaspyrna dæmd eftir að VAR-herbergið hafði farið yfir stöðuna. Tim Krul varði vítaspyrnu Aubameyang en hann fékk þó að taka hana aftur þar sem Max Aarons, varnarmaður Norwich, var inn í teignum er spyrnan var tekin. Aubameyang fór aftur á punktinn og skoraði þá örugglega.
Todd Cantwell kom Norwich yfir áður en hálfleikurinn var úti. Cantwell fékk allan tímann í heiminum til að athafna sig og Arsenal búið að verjast á ansi furðulegan hátt í leiknum. Aubameyang tókst þó að jafna metin á 57. mínútu er hann þrumaði boltanum í netið af stuttu færi eftir hornspyrnu.
Kenny McLean átti gott skot sem Bernd Leno varði í stöng. Liðin þurftu að sættast á að skipta stigunum milli sín og 2-2 jafntefli því niðurstaðan.
Wolves og Sheffield United gerðu þá 1-1 jafntefli. Lys Mousset kom gestunum í Sheffield yfir eftir 63 sekúndur áður en Matt Doherty jafnaði á 64. mínútu.
Doherty fagnaði með því að taka sorgarbandið af sér og kyssa það en hann var þar að votta Benik Afobe, fyrrum framherja liðsins, virðingu sína en hann missti 2 ára dóttur sína eftir stutta baráttu við veikindi.
Lokatölur 1-1 á Molineaux leikvanginum.
Úrslit og markaskorarar:
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 36 | 24 | 7 | 5 | 68 | 26 | +42 | 79 |
| 2 | Man City | 35 | 22 | 8 | 5 | 72 | 32 | +40 | 74 |
| 3 | Man Utd | 36 | 18 | 11 | 7 | 63 | 48 | +15 | 65 |
| 4 | Liverpool | 36 | 17 | 8 | 11 | 60 | 48 | +12 | 59 |
| 5 | Aston Villa | 36 | 17 | 8 | 11 | 50 | 46 | +4 | 59 |
| 6 | Bournemouth | 36 | 13 | 16 | 7 | 56 | 52 | +4 | 55 |
| 7 | Brighton | 36 | 14 | 11 | 11 | 52 | 42 | +10 | 53 |
| 8 | Brentford | 36 | 14 | 9 | 13 | 52 | 49 | +3 | 51 |
| 9 | Chelsea | 36 | 13 | 10 | 13 | 55 | 49 | +6 | 49 |
| 10 | Everton | 36 | 13 | 10 | 13 | 46 | 46 | 0 | 49 |
| 11 | Fulham | 36 | 14 | 6 | 16 | 44 | 50 | -6 | 48 |
| 12 | Sunderland | 36 | 12 | 12 | 12 | 37 | 46 | -9 | 48 |
| 13 | Newcastle | 36 | 13 | 7 | 16 | 50 | 52 | -2 | 46 |
| 14 | Crystal Palace | 35 | 11 | 11 | 13 | 38 | 44 | -6 | 44 |
| 15 | Nott. Forest | 36 | 11 | 10 | 15 | 45 | 47 | -2 | 43 |
| 16 | Leeds | 35 | 10 | 13 | 12 | 47 | 52 | -5 | 43 |
| 17 | Tottenham | 35 | 9 | 10 | 16 | 45 | 54 | -9 | 37 |
| 18 | West Ham | 36 | 9 | 9 | 18 | 42 | 62 | -20 | 36 |
| 19 | Burnley | 36 | 4 | 9 | 23 | 37 | 73 | -36 | 21 |
| 20 | Wolves | 36 | 3 | 9 | 24 | 25 | 66 | -41 | 18 |
