Cristiano Ronaldo fór fyrir sínum mönnum í Juventus í endurkomu gegn Udinese í ítölsku úrvalsdeildinni í kvöld.
Juventus hafði unnið ítölsku úrvalsdeildina í níu ár í röð, fyrir daginn í dag. Í dag tryggði Inter sér sigur í ítölsku úrvalsdeildinni.
Þetta hefur ekki verið gott tímabil fyrir Juventus. Þeir féllu úr leik í 16-liða úrslitum Meistaradeildarinnar og vinna ekki deildina heima fyrir. Í raun er þetta óásættanlegt fyrir Juventus og spurning hvort Andrea Pirlo muni halda starfinu.
Hann mun að öllum líkindum ekki halda starfinu ef Juventus kemst ekki í Meistardeildina. Eftir sigurinn í dag er Juventus í þriðja sæti. Þeir mega þakka Ronaldo fyrir en hann skoraði tvö á síðustu tíu mínútum leiksins.
Roma hefur ekki riðið feitum hesti að undanförnu. Þeir töpuðu 6-2 fyrir Manchester United í Evrópudeildinni í síðustu viku og í kvöld töpuðu þeir 2-0 fyrir Sampdoria. Roma er í sjöunda sæti og Sampdoria er í níunda sæti.
Udinese 1 - 2 Juventus
1-0 Nahuel Molina ('10 )
1-1 Cristiano Ronaldo ('83 , víti)
1-2 Cristiano Ronaldo ('89 )
Sampdoria 2 - 0 Roma
1-0 Adrien Silva ('45 )
2-0 Jakub Jankto ('65 )
2-0 Edin Dzeko ('71 , Misnotað víti)
Önnur úrslit í dag:
Ítalía: Inter Milan meistari í fyrsta sinn í 11 ár
Ítalía: Sjö mörk er Lazio vann mikilvægan sigur
Athugasemdir