Þrátt fyrir fjörugan fyrri hálfleik var staðan markalaus þegar liðin fóru til búningsklefa. En snemma í seinni hálfleiknum kom sigurmarkið eftir tilviljanakennda atburðarás.

Fridolina Rolfö, leikmaður Barcelona, náði að skófla boltanum inn andartaki eftir að hann hafði lent í þverslánni. Sænska liðið kom boltanum aftur í netið í uppbótartíma en réttilega var dæmd rangstaða.

Ástralía þarf að sætta sig við að leika við Bandaríkin í bronsleiknum á fimmtudagsmorgun. Varnarmaðurinn Ellie Carpenter verður ekki með Ástralíu í þeim leik en hún tekur út bann eftir að hafa fengið rautt spjald í blálokin í dag.