Þýskaland: Fyrsta tap Leipzig kom gegn Dortmund

Dortmund hefur verið í vandræðum á þessari leiktíð en liðinu hefur ekki tekist að tengja saman tvo sigra í deildinni. Liðið tapaði gegn Augsburg í síðustu umferð en komst aftur á sigurbraut í kvöld.

Liðið fékk RB Leipzig í heimsókn en Benjamin Sesko kom gestunum yfir. Þremur mínútum síðar jafnaði Maximilian Beier metin og þannig var staðan í hálfleik.

Serhou Guirassy kom Dortmund síðan yfir eftir rúmlega klukkutíma leik og tryggði liðinu sigurinn.

Þetta var fyrsta tap RB Leipzig á tímabilinu en liðið er í 2. sæti, þremur stigum á eftir Bayern sem vann í dag og fjórum stigum á undan Dortmund sem situr í 5. sæti.