Mynd: Fótbolti.net - Hafliði Breiðfjörð

Víkingur og Fylkir mættust í Lengjudeild kvenna í dag.

Leiknum lauk með dramatískum sigri Víkinga sem halda toppsætinu. Víkingur var með 1-0 forystu í hálfleik.

Guðrún Karítas Sigurðardóttir jafnaði metin þegar skammt var til leiksloka og það stefndi í jafntefli.

Nadía Atladóttir tryggði hins vegar sigur Víkings með hádramatísku marki á lokasekúndum leiksins.

„Birta tekur hornið sem var mjög gott. Boltinn berst út í teiginn og þá myndast mikið klafs. Síðan fer boltinn á Selmu sem skallar hann fyrir markið á Nadíu sem er ein á auðum sjó og potar boltanum í netið." Skrifaði Sölvi Haraldsson í textalýsingu leiksins.