Zirkzee er tvítugur að aldri en hann er ekki í plönum Julian Nagelsmann.

Belgíski fjölmiðlamaðurinn Jarno Bertho bendir á það á Twitter að Zirkzee sé að feta í fótspor Eiðs Smára Guðjohnsen með skiptum sínum til Anderlecht.

Zirkzee er nefnilega Meistaradeildarsigurvegari; hann var hluti af liði Bayern sem varð Evrópumeistari á síðustu leiktíð.

Það er ekki mjög algengt að Meistaradeildarsigurvegarar spili í Belgíu. Zirkzee verður 17. leikmaðurinn sem vinnur Meistaradeildina og spilar í Belgíu. Eiður var einn af 16 leikmönnunum á undan honum, eins og Bertho bendir á.