„Rökrétt miðað við vinnu okkar síðustu fjögur eða fimm ár"

„Manchester United vann því John Terry rann á punktinum og liðið skoraði í uppbótartíma gegn Bayern. Real Madrid vann gegn Atletico með marki á 93. mínútu. Þetta er keppni sem er svo erfið og eitthvað í stjörnunum hefur áhrif á úrslitin."

Pep Guardiola, stjóri Manchester City, horfði á heildarmyndina þegar hann ræddi um árangur liðsins í kvöld. Félagið er í fyrsta sinn með lið í úrslitaleik Meistaradeildarinnar en oft ráðast viðureignir í Meistaradeildinni á minnstu smáatriðum.

Til að mynda tapaði City gegn Tottenham á minnsta smáatriði árið 2019.

Guardiola þakkaði þá eigendunum og stjórnarmönnum fyrir árangurinn til þessa. Liðið mætir annað hvort Chelsea eða Real Madrid í úrslitaleik í Istanbul.

„Þetta snýst ekki bara um peningana. Þetta er allt um fólkið á bakvið tjöldin. Ef þú heldur að þetta sé einungis vegna peninganna þá hefuru rangt fyrir þér," sagði Guardiola.