Miðjumaðurinn ungi, Júlíus Magnússon gekk í raðir Víkings fyrr á þessu ári frá hollenska félaginu Heerenveen.
Júlíus sem er uppalinn í Leikni gekk í raðir Heerenveen frá Víkingi í janúar árið 2015, nú er hann kominn aftur í Víkina og er klár fyrir átökin í Pepsi Max deildinni í sumar.
Júlíus sem er uppalinn í Leikni gekk í raðir Heerenveen frá Víkingi í janúar árið 2015, nú er hann kominn aftur í Víkina og er klár fyrir átökin í Pepsi Max deildinni í sumar.
„Víkingar höfðu samband í byrjun árs. Ég æfði með þeim milli hátíðina og leist vel á það þá og eftir það fór hugurinn alltaf að leita meira og meira heim," sagði Júlíus í viðtal við Fótbolta.net fyrr í dag. Hann segir tímann í Hollandi hafa verið lærdómsríkan.
„Þetta var mjög gaman. Ég spilaði helling af leikjum og æfði nánast tvisvar á dag á hverjum degi. Maður lærir helling af hollenska boltanum. Ég er mjög ánægður með tímann og hvernig maður kemur úr þessu sem betri leikmaður," sagði Júlíus sem segir það ekkert vera skref aftur á bak að koma heim í Pepsi Max deildina.
„Ég var bara í varaliðinu í því klafsi en samt fékk maður alltaf sömu viðbrögðin að ég væri að fara spila með aðalliðinu og ég þyrfti bara að halda áfram að vinna. Ég sá það bara ekki fara gerast, þannig þolinmæðin rann eiginlega út. Vissulega ef maður horfir á pappírana þá er Heerenveen stærra félag en miðað við aðstöðuna sem ég var í þarna úti, þá er ég í betri aðstöðu hér og ánægðri núna," sagði Júlíus sem er ánægður að vinna undir stjórn Arnars Gunnlaugssonar þjálfara Víkings.
Viðtalið við Júlíus má sjá í heild sinni í sjónvarpinu hér að ofan.
Athugasemdir