„Ist dennis eigentlich euer qotenschwarzer?" skrifaði Lehmann og sendi Aogo. Aogo tók skjáskot af þessum ummælum og birti á Instagram.

„Er þér alvara? Þessi skilaboð áttu sennilega ekki að fara til mín," skrifaði Aogo við færsluna.

Aogo birti skjáskotið eftir leikinn í gærkvöldi. Lehmann baðst afsökunar í morgun og skrifaði á Twitter:

„Ég bað Dennis afsökunar á þessum skilaboðum. Hann er frábær sérfræðingur og nálgast hlutina vel og hjálpar Sky að ná inn áhorfi."

Lehmann tjáði sig svo við Bild í Þýskalandi: „Ég er búinn að ræða við Dennis og bað hann um að fyrirgefa mér ef orð mín særðu. Þetta átti ekki að koma svona út, þetta átti að koma út sem hrós. Ég orðaði þetta illa og kom þessu illa frá mér."

Lehmann hefur verið sérstakur eftirlitsaðili eða ráðgjafi hjá Herthu en hefur samkvæmt heimildum Bild verið látinn fara úr því starfi í kjölfar skilaboðanna í gær.