Alisson, markvörður Liverpool, er nú þegar búinn að tryggja sér gullhanskann í Suður-Ameríku bikarnum, Copa America.
Alisson er búinn að halda hreinu í fyrstu fimm leikjum Brasilíu á mótinu og mun Brasilía spila í úrslitum mótsins gegn Perú á sunnudagskvöld. Brasilía er að reyna að vinna Copa America í fyrsta síðan 2007.
Alisson, sem er 26 ára, átti frábært fyrsta tímabil með Liverpool og vann hann gullhanskann í ensku úrvalsdeildinni. Hann hélt 21 sinni hreinu í deildinni í vetur.
Hann hélt einnig sex sinnum hreinu í Meistaradeildinni, keppni sem Liverpool vann. Hann hélt oftast hreinu í þeirri keppni ásamt Marc Andre ter Stegen, markverði Barcelona.
Hann er búinn að halda hreinu í níu leikjum í röð.
Eftir 2-0 sigur á Argentínu í vikunni var Alisson spurður út í Ballon d'Or, verðlaun sem eru veitt besta leikmanni í heimi ár hvert.
„Ég er bara markvörður," sagði Alisson þá.
Alisson is the official winner of the Copa America Golden Glove despite the final yet to be played. 5 clean sheets.
— DaveOCKOP (@DaveOCKOP) July 3, 2019
✅ v Barcelona
— Liverpool FC (@LFC) July 3, 2019
✅ v Wolves
✅ v Tottenham
✅ v Honduras
✅ v Bolivia
✅ v Venezuela
✅ v Peru
✅ v Paraguay
✅ v Argentina
NINE consecutive clean sheets for @Alissonbecker. 🔥🔥 #AB1 pic.twitter.com/Ibh7Oxbjar
Athugasemdir