Íris Una og Katla María eru gríðarlega efnilegar tvíburasystur sem eiga yfir 100 leiki að baki samtals fyrir meistaraflokk Keflavíkur þrátt fyrir að vera aðeins 17 ára.

Báðar léku þær stórt hlutverk í liði Keflavíkur í sumar er liðið endaði í öðru sæti Inkasso-deildarinnar, með 48 stig úr 18 leikjum.

Báðar eiga þær leiki að baki fyrir U17 og U19 landslið Íslands.

„Leikmennirnir hafa báðir verið í lykilhlutverkum í Keflavíkurliðinu síðustu ár og því eru það frábærar fréttir fyrir klúbbinn að þær hafi ákveðið að framlengja sína samninga," segir á vefsíðu Keflavíkur.