Í dag fór fram toppslagur Inkasso-deildar kvenna þar sem Þróttur tók á móti FH. Þróttur byrjaði leikinn mun betur og voru komnar tveimur mörkum yfir eftir 10 mínútna leik og þar við sat. Þróttur er því meistari í Inkasso-deildinni! Linda Líf skoraði fyrsta mark Þróttar og var að vonum virkilega kát með sigurinn:
Lestu um leikinn: Þróttur R. 2 - 0 FH
"Tilfinningin er bara ólýsanleg, ég veit bara ekki hvað ég á að segja. Þetta er æðislegt."
"Ég er mjög ánægð með hvernig við spiluðum leikinn. Við komum inn í leikinn með það markmið að vinna þetta. Leiðinlegt hvernig þetta fór niður í seinni hálfleik. En við náðum þessu og það er það sem skiptir máli."
Var markmiðið að vinna deildina frá upphafi?
"Algjörlega. Fyrsta markmiðið var að komast upp í Pepsi og síðan ákváðum við að stefna bara á titilinn svo allir eru mjög sáttir. Ég er mjög spennt að spila í Pepsi-Max deildinni og ég held að við munum gera mjög góða hluti þarna uppi."
Linda er markhæst í deildinni með 20 mörk! Er markmiðið að taka gullskóinn?
"Það er geggjað, ég bjóst ekki við því en markmiðið var að skora allavega 1 í hverjum leik. Þetta er bara æðilslegt. Það væri náttúrulega bara punkturinn yfir i-ið að ná markakóngstitlinum."
Það var virkilega flott mæting á völlinn í kvöld. Var Linda ánægð með stuðninginn?
"Ég hef aldrei séð svona flotta stúku í lífínu. Frábær stuðningur."
Viðtalið má sjá í spilaranum hér að ofan
Athugasemdir