„Bara svekk. Ógeðslega sárt að tapa á móti þessu liði. Við áttum fullan séns.''
Segir Tinna Óðinsdóttir fyrirliði HK/Víkings eftir 0-1 tap á móti Breiðablik í 16.umferð Pepsi Max deild kvenna í kvöld. 

Lestu um leikinn: HK/Víkingur 0 -  1 Breiðablik

HK/Víkingur spilaði með fimm manna vörn í kvöld og lágu aftarlega á vellinum. Tinna segir að planið var að vera skipulagðar. 

„Já, basically var planið bara að vera skipulagðar já. Einmitt eins og þú segir þá lágum við frekar aftarlega, bara loka svæði og já einmitt ekki hleypa þeim í gegn og spila okkur bara inn í leikinn.'' 

„Töluðum um það að halda áfram, ég meina við vorum að spila ágætisleik í fyrri hálfleik og bara uppleggið var að halda því áfram.''

HK/Víkingur er á botni deildarinnar með 7 stig þegar þrjár umferðir eru eftir. Tinna var sátt með leikinn og hefur ekki miklar áhyggjur af framhaldinu ef að þær klára mótið með spilamennskunni sem þær sýndu í kvöld.

„Með þessu áframhaldandi spilamennsku þá hef ég ekki miklar áhyggjur. Við sýndum það hérna í dag að við eigum fullan séns.''

Viðtalið í heild sinni má nálgast í spilaranum hér að ofan.

STUÐNINGSSVEIT
FÓTBOLTA.NET

Boltinn er að byrja aftur!

Íslenski og enski boltinn byrja aftur í júní.

Enginn fjölmiðill fjallar eins mikið um fótbolta og Fótbolti.net.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit