Mikel Arteta stjóri Arsenal staðfesti eftir ótrúlegan sigur Arsenal á Luton í gær að meiðsli Takehiro Tomiyasu væru verri en búist var við í fyrstu.
Tomiyasu hefur verið fastamaður í liðinu að undanförnu en fór meiddur af velli í leik liðsins gegn Wolves um helgina. Arteta sagði eftir þann leik að bakvörðurinn hafi verið tekinn útaf af varúðarráðstöfunum.
Arteta greindi frá því eftir leikinn í gær að meiðslin væru alvarlegri en talið var.
„Hann fór í myndatöku og þetta eru því miður ekki góðar fréttir fyrir Tomiyasu. Hann er meiddur á kálfa og verður fjarverandi í einhvern tíma," sagði Arteta.
Athugasemdir
