Gylfi hefur gaman af því að fara í golf.
Gylfi Þór Sigurðsson, Jóhann Berg Guðmundsson og Kári Árnason eru allir þrír í landsliðshópi Íslands sem spilar við Frakkland og Sviss í komandi viku.
Leikurinn við Frakkland er vináttulandsleikur en leikurinn við Sviss er í Þjóðadeildinni.
Leikurinn við Frakkland er vináttulandsleikur en leikurinn við Sviss er í Þjóðadeildinni.
Leikurinn gegn ríkjandi Heimsmeisturum Frakklands er í Guingamp 11. október en Gylfi, Jói Berg og Kári ákváðu að taka smá forskot á sæluna með því að kíkja til Frakklands í dag og spila golf.
Þeir spiluðu golf á Le Golf National vellinum í Guyancourt í Frakklandi en þar fór Ryder mótið nýlega fram.
Ryder mótið er stórt mót í golfheiminum en það fer fram á tveggja ára fresti. Bandaríkjamenn keppa á móti Evrópubúum en það var lið Evrópu sem fór með sigur af hólmi í ár.
Gylfi, Jóhann Berg og Kári fengu að spreyta sig á vellinum og höfðu þeir gaman af ef marka má myndir sem þeir settu inn á samfélagsmiðla.
Gylfi og Jóhann Berg áttu góða leiki í ensku úrvalsdeildinni um helgina og Kári spilaði með Genclerbirligi í tyrknesku B-deildinni, í 1-0 sigri gegn Altay á föstudag.
Hér að neðan má sjá myndir sem þeir settu inn á samfélagsmiðla.
Athugasemdir
