Senegalski kantmaðurinn Sadio Mane er í leikmannahópi Liverpool sem heimsækir Bournemouth í fyrsta leik helgarinnar í ensku úrvalsdeildinni.
Liðin mætast í hádeginu á morgun og var búist við að Mane yrði ekki með vegna meiðsla.
Jürgen Klopp sagði að Mane yrði líklega ekki með á fréttamannafundi í morgun og því kemur á óvart að hann sé í hópnum.
Mane er búinn að skora sex mörk í þrettán úrvalsdeildarleikjum. Liverpool er í öðru sæti deildarinnar, tveimur stigum frá Englandsmeisturum Manchester City.
Athugasemdir