Mourinho: Mér líkar ekki dapurt fólk

Mourinho virðist eitthvað ósáttur með viðbrögð leikmanna sinna og sendi þeim skilaboð á fréttamannafundi. Hann vill ekki að menn séu daprir og niðurlútir eftir tap, heldur grimmir og tilbúnir til að gefa allt í næsta leik.

„Það sem ég vil að liðið mitt skilji er að mér líkar ekki við dapurt fólk eftir tapleiki. Ég vil vera umkringdur fólki sem er ólmt í að spila annan leik næsta morgun, en er ekki bara dapurt," sagði Mourinho.

„Ég held að þessir leikmenn þurfi að fá þessi skilaboð. Við megum ekki samþykkja tap en við megum heldur ekki vera daprir. Áfram gakk, annar dagur, annar leikur.

„Þú getur verið dapur þegar einhver deyr, það er engin lausn við því. Manneskjan er látin. Ef þú tapar í fótbolta þá er annar leikur á morgun. Þú getur ekki gert þetta með fólk en þú getur gert þetta með fótboltaleiki.

„Haltu áfram og lærðu af mistökunum. Ég er með frábæra leikmenn í hópnum og ég er hér til að hjálpa þeim. Þeir eru með hæfileikana og það er erfiðasti parturinn, ég reyni að hjálpa þeim með allt annað."

Tottenham tekur á móti Burnley klukkan í dag klukkan 15:00.