Liverpool komst yfir snemma leiks en drengirnir í Villa jöfnuðu seint í fyrri hálfleiknum og var staðan jöfn þegar flautað var til leikhlés.

Liverpool skoraði þrjú mörk á stuttum tíma í síðari hálfleik og gerði þannig út um leikinn gegn baráttuglöðum heimamönnum.

„Strákarnir hjá Villa stóðu sig mjög vel. Við vorum í vandræðum. Við þurftum tíma og í lokinn þá varð þetta öruggt," sagði Klopp.

„Vandræði með sendingar og hreyfingar. Of margir vitlausu megin við boltann og áttum séns á að skjóta meira á markmanninn sem við gerðum svo í síðari hálfleik. Síðari hálfleikurinn var betri."

Nú eru heilir níu dagar þangað til Liverpool spilar næsta leik sem er toppbaráttu slagur gegn Manchester United í deildinni.

„Við erum með nokkra leikmenn sem eru ekki í neinum takti. Við munum æfa mikið ellefu gegn ellefu á næstu dögum."