Newcastle tapaði óvænt gegn Cambridge Utd í FA Bikarnum í dag.
Eddie Howe stjóri liðsins greindi frá því í viðtali eftir leikinn að Yasir Al-Rumayyan sem á stærstan hluta í félaginu og Amanda Staveley sem á 10% kíktu á niðurbrotna leikmennina í klefanum eftir leikinn.
„Þau hittu mig og starfsliðið eftir á en ég veit að þau studdu vel við leikmennina, einbeittu sér að því að við erum í baráttu um að halda okkur í deildinni. Ég get ekki þakkað þeim nógu mikið fyrir það. Þetta var gott fyrir leikmennina að sjá og heyra því þetta ferðalag og barátta að halda okkur í deildinni er í höndum allra í félaginu," sagði Howe.
Newcastle goðsögnin Alan Shearer var alls ekki sáttur með sína menn í leikslok.
„Vel gert Cambridge. Newcastle ömurlegir," skrifaði Shearer á Twitter.
Athugasemdir