Hann telur að hinn 19 ára gamli Haaland sé á réttum stað núna, hjá Borussia Dortmund í Þýskalandi. Haaland yfirgaf Salzburg í síðasta mánuði og fór til Dortmund, en hann hafnaði félögum á borð við Manchester United og Juventus.

Haaland hefur nú þegar skorað átta mörk í fjórum leikjum fyrir Dortmund.

„Alfie Haaland (faðir hans) hefur ávallt talað um að við eigum að hugsa um muninn á að félag vilji leikmann og að félag þurfi leikmann," sagði Fjortoft, sem lék 71 landsleik fyrir Noreg á leikmannaferli sínum, við BBC Radio 5 Live.

„Það sem ég kann vel við teymi Haaland er að það er alltaf hugsað um þróun leikmannsins fyrst. Hann er hjá félaginu sem hann á að vera hjá, félagi sem hann getur þróað leik sinn."

„Held ég að hann spili á Englandi einn daginn? Auðvitað. Hann fæddist á Englandi, en núna er Dortmund besti staðurinn fyrir hann."

Dortmund er þekkt fyrir að gefa ungu leikmönnum tækifæri og þróa unga leikmenn. Samt sem áður er félagið eitt það stærsta í Evrópu að mati Fjortoft.

„Það er ekki eins og Dortmund sé þróunarfélag. Það mæta 81 þúsund manns á alla heimaleiki hjá þeim, þeir eru í Meistaradeildinni og félagið er vant þróa leikmenn þannig að þeir verða frábæra leikmenn."