Lionel Messi skoraði tvennu í fyrri hálfleik er Argentína burstaði Níkaragva í æfingaleik í gærkvöldi.
Í seinni hálfleik fékk Daniel Cadena að spreyta sig í liði Níkaragva en tókst ekki að snúa stöðunni við fyrir sína menn.
Það merkilega er að Dani á tólf leiki að baki í 2. deild hér á landi. Níu leiki spilaði hann fyrir KF sumarið 2016 og þrjá fyrir Njarðvík 2017.
Dani er 32 ára gamall og hefur skorað 3 mörk í 21 landsleik fyrir Níkaragva. Hann leikur sem framherji.
Okkar fyrrverandi leikmaður Dani Cadena spilaði í nótt með landsliðinu sínu Nicaragua gegn Lionel Messi og félögum og enduðu leikar 5-1 fyrir Argentinu, Dani kom inná á 59. mín. #fotboltinet #KFnation pic.twitter.com/Onx2xwbdSR
— KF (@fjallabygg) June 8, 2019
Athugasemdir