Fati frá í þrjá mánuði

„Þetta er leiðinlegt fyrir hann og leiðinlegt fyrir liðið, sérstaklega núna þegar Danny Welbeck er ekki að spila og Julio Enciso ekki heldur."

Gross vanmetinn
Á fréttamannafundinum hrósaði De Zerbi einnig Pascal Gross sem hefur reynst Brighton gríðarlega vel síðan hann var keyptur til félagsins á aðeins þrjár milljónir punda árið 2017.

„Hann er vanmetinn og fólk skilur ekki hversu góður hann er. Sjálfstraust hans er orðið enn meira eftir að hann byrjaði að spila með þýska landsliðinu líka," segir De Zerbi.

Gross er 32 ára og var í fyrsta sinn valinn í þýska landsliðið fyrr á þessu ári. Hann hefur síðan leikið fjóra landsleiki.