City lék sér að Burton og voru nokkur met slegin í leiknum en þetta er stærsti sigurinn í undanúrslitum í bikarkeppni.

Zinchenko skoraði fyrsta mark sitt fyrir City en það var rætt um það hvort hann hafi ætlað að gefa fyrir eða ekki. Hann skoraði af 25 metra færi og fór boltinn yfir Bradley Collins og í netið.

„Þetta er í fyrsta sinn sem ég hef tekið þátt í svona stórum sigri á ferlinum. Við skoruðum mörg mörk en vildum meira og stuðningsmennirnir vildu líka meira," sagði Zinchenko.

„Við vildum skora tíu mörk og kannski gerist það næst. Var þetta fyrirgjöf hjá mér? Í guðanna bænum sýnið mér smá virðingu," sagði hann í lokin.