Mbappe ætlar með til Íslands.
Kylian Mbappe hefur lítið sem ekkert æft með franska landsliðinu síðan það kom saman í upphafi vikunnar. Hann spjallaði við fjölmiðla í morgun og segist ætla að taka þátt í komandi landsleikjum.
Frakkar taka á móti Aserbaídsjan á morgun og fara svo til Íslands þar sem þeir mæta strákunum okkar á Laugardalsvelli á mánudag.
Frakkar taka á móti Aserbaídsjan á morgun og fara svo til Íslands þar sem þeir mæta strákunum okkar á Laugardalsvelli á mánudag.
„Ég vil spila og þjálfarinn vill að ég spili. Mér líður vel og hef ekki sérstakar áhyggjur. Ég mun taka þátt í allri æfingunni í dag," segir Mbappe sem meiddist lítillega í leik með Real Madrid um síðustu helgi.
„Það hafa verið skýr samskipti við Real Madrid. Ég fékk eitthvað högg en ég vildi koma í þetta verkefni og félagið sýndi skilning. Ég vil halda áfram í vefgferðinni að HM."
Það vantar þegar marga öfluga leikmenn í franska hópinn en þar á meðal er Ballon d’Or gullboltahafinn Ousmane Dembele. Einnig eru Bradley Barcola, Desire Doue, Rayan Cherki, Randal Kolo Muani og Marcus Thuram fjarri góðu gamni vegna meiðsla.
Athugasemdir
