Sven Jablonski og Stefán Teitur fara yfir málin í Svartfjallalandi.
Sven Jablonski, dómari úr þýsku Bundesligunni, mun dæma leik Úkraínu og Íslands í undankeppni HM sem fram fer á Laugardalsvelli á föstudagskvöld.
Jablonski var með flautuna þegar Ísland sigraði Svartfjallaland á útivelli 2-0 í Þjóðadeildinni í fyrra en Orri Steinn Óskarsson og Ísak Bergmann Jóhannesson skoruðu mörkin.
Jablonski var með flautuna þegar Ísland sigraði Svartfjallaland á útivelli 2-0 í Þjóðadeildinni í fyrra en Orri Steinn Óskarsson og Ísak Bergmann Jóhannesson skoruðu mörkin.
Jablonski er einn fremsti dómari Þýskalands og fékk til dæmis það verkefni að dæma leik Dortmund og Bayern München á síðasta tímabili. Hann starfar sem bankagjaldkeri auk dómgæslunnar.
Hann verður með sömu aðstoðardómara með sér og í Svartfjallalandi; Lasse Koslowski og Eduard Beitinger. Fjórði dómari verður svo Florian Badstübner og Benjamin Brand verður VAR dómari.
Ísland mætir Úkraínu á föstudaginn og svo Frakklandi næsta mánudag í undankeppni HM. Báðir leikirnir eru á Laugardalsvelli og uppselt á þá. Ísland er í öðru sæti riðilsins sem stendur en það sæti gefur umspilssæti fyrir HM.
Andri Lucas Guðjohnsen fékk gult í Svartfjallalandi.
Athugasemdir
