Aron Einar Gunnarsson, landsliðsfyrirliði, snýr aftur í íslenska landsliðshópinn sem mætir Belgíu í Þjóðadeildinni á fimmtudag. Íslenska landsliðið verður áfram í Belgíu eftir leikinn og mætir Katar í vináttuleik 19. október. Aron verður allan tímann með liðinu í Belgíu en hann verður ekki með í leiknum gegn Katar.
„Það er ljóst að Aron Einar er ekki með líkama til að spila tvo leiki á svo stuttum tíma," sagði Freyr Alexandersson, aðstoðarþjálfari, á fréttamannafundi í dag.
„Við höfum ákveðið í sameiningu við hann að hann spilar á móti Belgíu og verður síðan áfram hjá okkur. Hann er fyrirliði liðsins og við þurfum á hans reynslu og nærveru að halda fyrir undankeppnina."
Erik Hamren og Freyr völdu 25 manna hóp fyrir leikina tvo og stefnan er á að allir aðrir leikmenn verði til taks fyrir leikinn gegn Katar.
„Það er ekki á planinu að neinir fari heim. Við vonum að allir komist heilir í gegnum leikinn á móti Belgíu. Ef svo er þá verða allir með okkur í seinni leiknum."
Smelltu hér til að sjá landsliðshópinn
Athugasemdir