Davíð Snær: Það er ekkert svo langt í okkur
Davíð Snær var góður í dag.
Mynd: Fótbolti.net - J.L.
Davíð Snær var góður í dag.
Mynd: Fótbolti.net - J.L.
„Við skyldum eftir tvö stig á grasinu. Við áttum að vinna þenan leik. Við vorum lengi að byrja en um leið og við byrjuðum leikinn sem var eftir annað markið þá vorum við betri í nánast öllu að mínu mati og það sýnir bara að það er ekkert svo langt í okkur" sagði Davíð Snær Jóhannsson leikmaður FH en hann skoraði tvö mörk í dag.
„Það býr ógeðslega mikill karakter í þessu liði og við erum svo sannarlega að sýna hverju við erum megnugir miðavið það sem við sýndum í fyrra. Það er þvílíkt batamerki, bæði í svona leikjum og gæðalega séð erum við bara orðnir miklu betri."
FH er enþá ósigrað á grasi á tímabilinu og líður liðinu vel á grasi og þá sérstaklega í Kaplakrika.
„Þetta er okkar heimavöllur og það er engin að fara koma hingað og taka einhver stig sko"
Davíð Snær Jóhannsson var frábær í liði FH í dag og skoraði tvö mörk í dag og var öflugur sem fremsti maður FH í dag.
„Ég hefði vilja skora fleiri mörk. Mér fannst ég hafa átt skora svona fjögur eða fimm að mínu mati en fínn leikur og þetta snýst um að vinna leiki."
