Guðni Eiríksson
„Það var mikil stöðubarátta á vellinum og við áttum svosem alveg von á því og það kom okkur því ekkert á óvart. Leikurinn var á köflum ansi opinn og hálfgert ping-pong og mikil ákefð og heilt yfir skemmtilegur leikur.“ Sagði Guðni Eiríksson þjálfari FH um leikinn eftir 1-1 jafntefli Keflavíkur og FH í Keflavík fyrr í kvöld.
Lestu um leikinn: Keflavík 1 - 1 FH
FH tefldi fram nýjum markverði í kvöld en Aldís Guðlaugsdóttir sem verið hefur þeirra aðalmarkvörður glímir við höfuðmeiðsli og er óleikfær af þeim sökum. FH fékk Herdísi Höllu Guðbjartsdóttur að láni frá Breiðabllik en hún hefur leikið með liði Augnablik í sumar og er fædd árið 2007. Um hennar frumraun í markinu í efstu deild sagði Guðni.
„Nýr markvörður í markinu, ungur markvörður og ég er bara hrikalega ánægður með stelpuna. Hún er fædd 2007 og það þarf mikið hugrekki að hoppa upp í Bestu deildina og standa í rammanum. Fá á sig mark eftir tvær mínútur eftir hörkuskot þannig að það var mikið lagt á hana. Mér fannst hún koma ótrúlega vel út úr þessu, vinna sig vel inn í leikinn og eiga frábæra markvörslu í seinni hálfleik. Ég er því mjög stoltur af þessari stelpu og hún á svo sannarlega framtíðina fyrir sér.“
Koma Herdísar Höllu eru ekki einu fréttirnar af leikmannamálum FH en fyrr í dag var tilkynnt að Valgerður Ósk Valsdóttir væri gengin til liðs við Breiðablik á láni frá FH en Valgerður hefur verið lykilmaður í liði FH í sumar. Um ástæðurnar sagði Guðni.
„Vegna þess að það þarf einver að standa í marki hjá FH og við urðum að gera þetta, það var ekkert annað í stöðunni. Við þurftum að gefa eitthvað á móti. “
Sagði Guðni en allt viðtalið má sjá hér að ofan.
Athugasemdir
