Sergei Karasev, frá Rússlandi, dæmir leik Íslands og Belgíu í Þjóðadeildinni á Laugardalsvelli annað kvöld.
Sergei var dómari þegar Ísland og Ungverjaland gerðu 1-1 jafntefli á EM í Frakklandi. Ísland fékk meðal annars vítaspyrnu í leiknum sem Gylfi Þór Sigurðsson skoraði úr.
Sergei var dómari þegar Ísland og Ungverjaland gerðu 1-1 jafntefli á EM í Frakklandi. Ísland fékk meðal annars vítaspyrnu í leiknum sem Gylfi Þór Sigurðsson skoraði úr.
Á ferli sínum hefur Sergei dæmt nokkra stórleiki, meðal annars leik Barcelona og Arsenal í Meistaradeildinni árið 2016.
Aðaláhugamál Sergei eru þungarokkstónleikar en Slayer er uppáhalds hljómsveit hans.
Igor Demeshko og Aleksey Lunov verða aðstoðardómarar í leiknum á Laugardalsvelli á morgun.
Sergey Ivanov og Vladimir Koskalov verða aukaaðstoðardómarar, sprotadómarar, og fjórði dómari er Aleksey Vorontsov.
Athugasemdir