Tíu leikir fara í kvöld fram í fjórum riðlum í undankeppni fyrir EM2020. Leikið er í C-,E-,G- og I-riðli.

Leikir Hollands og Norður Írlands og Króatíu og Ungverjalands verða í beinni útsendingu á rásum Stöð 2 Sport.

Norður-Írland er með 12 stig eftir fimm leiki en liðið byrjaði á fjórum leikjum gegn liðunum í neðstu styrkleikaflokkunum. Holland á leik til góða en getur í kvöld jafnað Þýskaland og N-Írland að stigum á toppnum í C-riðli.

Króatía og Ungverjaland mætast í toppslag í Split. Wales þarf að sigra Slóvakíu til að koma sér í toppbaráttuna í riðli E.

Í riðli G er Pólland í góðri stöðu en fjögur lið berjast um annað sætið.

Í I-riðli eru Belgar og Rússar í frábærri stöðu og mesta spennan hvaða lið endar í þriðja sæti.