Hollywood félagið Wrexham A.F.C., sem er í eigu leikaranna Ryan Reynolds og Rob McElhenney, er við það að tryggja sig upp um deild annað árið í röð.
Wrexham er þriðja elsta fótboltafélag heims en það er afar langt síðan þetta velska félag var samkeppnishæft meðal betri liða enska deildakerfisins.
Reynolds og McElhenney vilja breyta því og eru á góðri leið með að koma liðinu upp í þriðju efstu deild enska boltans, League One.
Wrexham vann fimmtu efstu deild enska deildakerfisins í fyrra, National League, til að tryggja sér sæti í næstu deild fyrir ofan, League Two. Núna er Wrexham í toppbaráttu League Two og getur tryggt sér sæti í næstu deild fyrir ofan með sigri í næstu umferð, auk hagstæðra úrslita í öðrum leikjum. Þar mætir Wrexham botnliði Forest Green.
„Það væri magnað afrek, þetta er ekki eitthvað sem mörgum félögum hefur tekist að gera," sagði Steve Parkin, aðstoðarþjálfari Wrexham, þegar hann var spurður út í möguleikann á að fara tvisvar í röð upp um deild í enska deildakerfinu.
Wrexham yrði aðeins ellefta félagið sem afrekar að fara úr fimmtu efstu deild og upp í þriðju efstu deild enska pýramídans á tveimur árum, en síðasta félagið til að takast þetta var Tranmere Rovers fyrir fimm árum.
Stöðutaflan
England
England 2. deild - karlar
England
England 2. deild - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Bromley | 33 | 18 | 11 | 4 | 56 | 34 | +22 | 65 |
| 2 | Cambridge United | 33 | 18 | 9 | 6 | 48 | 26 | +22 | 63 |
| 3 | MK Dons | 33 | 17 | 10 | 6 | 62 | 33 | +29 | 61 |
| 4 | Notts County | 33 | 18 | 7 | 8 | 52 | 32 | +20 | 61 |
| 5 | Swindon Town | 34 | 19 | 4 | 11 | 56 | 40 | +16 | 61 |
| 6 | Crewe | 34 | 15 | 8 | 11 | 50 | 40 | +10 | 53 |
| 7 | Chesterfield | 33 | 13 | 14 | 6 | 52 | 43 | +9 | 53 |
| 8 | Salford City | 32 | 16 | 4 | 12 | 45 | 43 | +2 | 52 |
| 9 | Barnet | 34 | 13 | 11 | 10 | 43 | 37 | +6 | 50 |
| 10 | Walsall | 32 | 14 | 8 | 10 | 40 | 35 | +5 | 50 |
| 11 | Colchester | 32 | 13 | 10 | 9 | 48 | 34 | +14 | 49 |
| 12 | Grimsby | 32 | 13 | 10 | 9 | 45 | 37 | +8 | 49 |
| 13 | Accrington Stanley | 33 | 13 | 7 | 13 | 36 | 34 | +2 | 46 |
| 14 | Fleetwood Town | 32 | 12 | 8 | 12 | 43 | 42 | +1 | 44 |
| 15 | Oldham Athletic | 31 | 10 | 12 | 9 | 34 | 30 | +4 | 42 |
| 16 | Gillingham | 32 | 10 | 11 | 11 | 40 | 41 | -1 | 41 |
| 17 | Shrewsbury | 34 | 10 | 8 | 16 | 33 | 52 | -19 | 38 |
| 18 | Cheltenham Town | 33 | 10 | 6 | 17 | 34 | 55 | -21 | 36 |
| 19 | Tranmere Rovers | 33 | 9 | 8 | 16 | 45 | 57 | -12 | 35 |
| 20 | Bristol R. | 33 | 9 | 3 | 21 | 32 | 56 | -24 | 30 |
| 21 | Crawley Town | 34 | 6 | 10 | 18 | 33 | 54 | -21 | 28 |
| 22 | Barrow | 32 | 7 | 6 | 19 | 33 | 50 | -17 | 27 |
| 23 | Harrogate Town | 35 | 6 | 9 | 20 | 25 | 52 | -27 | 27 |
| 24 | Newport | 33 | 6 | 6 | 21 | 32 | 60 | -28 | 24 |
Athugasemdir
